السلام عليكم اخواني
هاي اول مشاركه لي واتمنى ان تنال اعجابكم
رايح عالنتيجة وارجع ابساع
مو هذا كلامك يمه ليه
ليش اتعطلت يمه العصر فات
وبدت تعصر بروحي المغربية
هلاهل ترسن بصدري وبيدي جكليت
وكبل اسبوع مشتريه الهدية
اتاني او خبر عاجل طكني بالكاع
انفجار لجامعة المستنصرية
ولك يمه وصلتلك ازحف ازحوفة
لان رجليه ماتن كبل ايدية
لكيت كتابك وماشفتك وياه
عفته شلون مو رحتو سوية
وجثه تصيحلي من بين الرماد
كلت مو هيه وانه ادري هيه
حاجيبني دخيلك ياضوه العين
الشضية صابتك مو بيك بيه
انا اشتاكيت ابوس جفونك اليوم
ابكد مابوست انت يدية
ياجف القدر المن انمديت
لليش اتناوش نجم الثرية
ابني الي بجت لمصابه الحمامات
واغتاظ الكمر وانخسف ضيه
ابني ابن العراق وامه بغداد::
ياهو الكتب مجهول الهوية
مع تحياتي
اخوكم يحيى العراقي
الرئيسية 
البوابة 
التسجيل 
دخول 
