الاهداء _ لكِ وحدكِ دون سواكِ لانكِ آمرآة تقتصر المسافه بين القلب والقصيده
آتلو عليكِ ماتيسر من سوره عشقي في زحام القصائد الكافره
فـــارض هـــيـــبـــتــــــك
وجهك يختلف عن كل الوجوه
وقوه جاذبيتك مالها حدود
موخدين عندك بيها تنباس
حتى اعلى الشفايف عندك خدود
اليشهدون ماشهدولك بزور
كلهم يم جمالك صارو شهود
آثر خطوات جدمك لوتمشيت
آحس عبد الحليم يغني موعود
فارض هيبتك من تمشي عالكَاع
بالاستعداد توكَف رتب وجنود
طولك عاصفه وقوه دفع ريح
تضعف بالسكوت وبالحـجي تزود
حواجب عينك آمتدن محطات
وبعيونك غركَنـه بآول الزود
كل خصله بشعر راسك حضارات
لان لون السنابل من زمن هود
خصرك عود بس صدرم هرم جان
وتخيل هرم والشايله الـعـود
الحسره لغم ونفجرت بروح
عليك شكم كَلب مليان بارود
آكثر من شمس وجهك على الكَاع
مـنـك سومـريـنـه وكَـالـو هـنـود
ملكات الجمال بكل العصور
بالنسبه لجمالك طلعن اقرود
البشر يكبر يشيخ بمر الايام
بس انته الزمن يرجعلك اردود
طعم خوخ الشمال بشفتك صار
والك آقليم وحدك سوه مسعود
عنب آنته وعليك جفوفنه كَصار
ولو عنكَود واحد ياترف جود
أظل اتنطرك حد مايجي الليل
فوكَ من النجم كاتبلك اوعود
ولو مامنتبهلي وماني عالبال
ولاني بآبجديتك حرف منشود
لكن والغوه البرموش العيون
وحق وادي المنايه البين النهود
آكـتـبـلك شعـر ماكـتـبتـه آقـلام
ولايمكن قريته بـزمــن داوود
وشطب كل شعر ماينكتب بيك
وخنكها الاوتار بركَبه العود
مع خالص حبي
الشاعر
حسن خليفه
الاثنين ؛ 16: 5 : 2011
الرئيسية 
البوابة 
التسجيل 
دخول 
